Urtean zehar antolatzen dira, eta helburu nagusiak dira beste leku, kultura eta jende batzuk ezagutzeko interesa sustatzea, bai eta auzotarren arteko topaketa eta gozamenerako gunea bultzatzea ere, adiskidetasun eta konfiantzazko esparru batean. Urtero, bisitatuko den lekua aldatu egiten da. Egun bat eta sei egun arteko bidaiak izaten dira, urte-garaiaren eta bisitatu nahi den lekuaren distantziaren arabera. Adin guztietako pertsonak joan daitezke bidaiara, bazkideak eta bazkide ez direnak, eta prezioak oso lehiakorrak izaten dira, guk geuk antolatzen baititugu autobus-konpainiarekin zuzenean. Bidaia motzak egin ditugu honako herrietara: Nafarroa, Logroño, Araba, Bizkaia, Bordele edo Landak. Luzeak, berriz: Galizia, Costa Brava, Costa del Sol, Andaluzia, Portugal edo Asturias.